კერძო კოლეჯების ასოციაციის საგანმანათლებლო სერვისების კომიტეტის ორგანიზებით, ჩატარდა დარგის სპეციალისტებთან სამუშაო შეხვედრა. შეხვედრაზე განხილულ იქნა „საექთნო საქმის“ პროფესიული საგანმანათლებლო პროგრამისთვის შუალედური შეფასების ინსტრუმენტის შემუშავების კონცეფცია და შეთანხმდა სამუშაო პროცესის სამომავლო გრაფიკი.შეხვედრაზე დაზუსტდა შეფასების ჰოლისტური მიდგომის ძირითადი პრინციპები, რომლებიც საფუძვლად დაედება შეფასების ინსტრუმენტის განვითარებას. პროცესში აქტიურად ჩაერთვებიან ასოციაციის წევრი კოლეჯების შესაბამისი კვალიფიკაციის მქონე პროფესიული განათლების მასწავლებლები და დარგის ექსპერტები, რაც უზრუნველყოფს ინსტრუმენტის პრაქტიკულობასა და დარგობრივ შესაბამისობას.საექთნო საქმის პროგრამის ფარგლებში შუალედური შეფასების ინსტრუმენტის შემუშავება მიმდინარე წლის აპრილში დასრულდება და პილოტირების შემდგომ ის ხელმისაწვდომი გახდება კერძო კოლეჯების ასოციაციის წევრი დაწესებულებებისთვის.