სასტუმრო "ჰოლიდე ინ"-ში ჩატარდა პროფესიული განათლების მასწავლებელთა თვითშეფასების სისტემის პილოტირების შედეგების პრეზენტაცია, სადაც პილოტირებაში მონაწილეკოლეჯებმა გააზიარეს და წარმოადგინეს საკუთარი გამოცდილება, გამოვლენილი მიგნებები და ის პრაქტიკული დასკვნები, რომლებიც საჭიროა 2026 წლიდან ახალი რეგულაციების ეფექტური დანერგვისთვის. პილოტირებაში მონაწილე კოლეჯებმა, ასოციაციის წევრებმა, ერთობლივად განიხილეს, როგორ უნდა გაგრძელდეს სისტემის გაძლიერება და მასწავლებელთა პროფესიული განვითარების ხელშეწყობა. შპს ინტერბიზნესის აკადემიიდან პრეზენტაცია წარმოადგინა ლიკა ბინიაშვილმს, სასწავლო პროცესის მართვიდ სამსახურის უფროსმა.

აკადემიის ხარისხის მართვის სამსახურის უფროსი, ნაზი წიბლიაშვილი და სასწავლო პროცესის მრთვის სამსახურის უფროსი, ლიკა ბინიაშვილი, ზრდასრულთა განათლების საერთაშორისო ინსტიტუტში ესწრებოდნენ ნინო ელბაქიძის საავტორო პროგრამას – “MASTER TRAINER”, რომელიც ეფუძნება გერმანიის მაგდებურგის უნივერსიტეტის პროგრამას. პროგრამა შექმნილია სპეციალურად იმ პროფესიონალებისათვის, რომლებასც სურთ გახდნენ წამყვანი ტრენერები საკუთარ სფეროში. ტრენინგის დასრულების შემდეგ მონაწილეებს გადაეცათ "MASTER TRAINER"-ის სერტიფიკატები.

23 ოქტომბერს შპს ინტერბიზნესის აკადემიაში ჩატრდა საინფორმაციო შეხვედრა სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს წარმომადგენლებთან. სააგენტოს საქმიანობის ერთ-ერთ პრიორიტეტულ მიმართულებას წარმოადგენს ადამიანით ვაჭრობის (ტრეფიკინგის) წინააღმდეგ მიმართული პრევენციული ღონისძიებების განხორციელება და საზოგადოების ცნობიერების ამაღლება აღნიშნული დანაშაულის, მისი ფორმებისა და საფრთხეების შესახებ. შეხვედრა, რომელსაც აკადემიის სტუდენტები და ადმინისტრაციის წარმომადგენლები ესწრებოდნენ, ინტერაქტიურ რეჟიმში ჩატარდა და დიდი ინტერესი გამოიწვია.