20 თებერვალს საერთაშორისო, მულტინაციონალური კომპანია GM PHARMA-ს სააფთიაქო გაყიდვების მენეჯერი, ჟანა მაღლაკელიძე შეხვდა შპს ინტერბიზნესის აკადემიის "ფარმაციის (სააფთიაქო") პროფესიული საგანმანათლებლო პროგრამის სტუდენტებს და ფარმაცევტული ინდუსტრიის თანამედროვე გამოწვევები და ტენდენციები გააცნო. შეხვედრაზე სტუდენტებმა ასევე მიიღეს ინფორმაცია დასაქმების ბაზრის მოთხოვნებსა და კარიერულ შესაძლებლობებზე GM PHARMA-ში, რომელიც ერთადერთი ფარმაცევტული საწარმოა საქართველოში, სადაც მიმდინარეობს მყარი სამკურნალო ფორმების წარმოების სრული ციკლი: დისპენსირება, შერევა, გრანულირება, ტაბლეტირება, კაფსულირება, შემოგარსვა, შეფუთვა და ხარისხის კონტროლი. მსგავსი შეხვედრები მნიშვნელოვანია როგორც მომავალი ფარმაცევტებისთვის, პროფესიული უნარების გაძლიერებისა და კარიერული შესაძლებლობების გაფართოებისთვის, ასევე კომპანიისთვის. შეხვედრა ინტერაქტიურად, კითხვა-პასუხის რეჟიმში მიმდინარეობდა და ძალიან საინტერესოდ წარიმართა.