22-24 ნოემბერს, სასტუმროში „ყვარლის ტბა“ საქართველოს კარიტასის ინიციატივით ჩატარდა გასვლითი სამუშაო შეხვედრა, რომელიც მიეძღვნა 2025 წელს დაგეგმილ საექთნო განათლების პროგრამაში სამომავლო ცვლილებებს. ღონისძიებას ესწრებოდნენ საქართველოს კერძო კოლეჯების ასოციაციაში გაერთიანებული „საექთნო საქმის“ პროფესიულ საგანმანათლებლო პროგრამის განმახორციელებელი პროფესიული დაწესებულებები, წარმომადგენლები პარტნიორი სამედიცინო დაწესებულებებიდან და „საექთნო საქმის“ პროფესიული საგანმანათლებლო პროგრამების ხელმძღვანელები. შეხვედრაზე საზეიმოდ აღინიშნა საქართველოს კარიტასის და სკკა-ის თანამშრომლობის 10 წლის იუბილე. ღონისძიებას შპს ინტერბიზნესის აკადემიიდან ესწრებოდნენ დირექტორი ინგა მანაშერიძე, ხარისხის სამსახურის უფროსი ნაზი წიბლიაშვილი და „საექთნო საქმის“ პროფესიული საგანმანათლებლო პროგრამის ხელმძღვანელი, სს „კ. ერისთავი სახ. ექსპერიმენტული და კლინიკური ქირურგიის ეროვნული ცენტრის“ მთავარი ექთანი, ქეთევან ქოქიაური.