28-30 ნოემბერს გაიმართა საქართველოს კერძო კოლეჯების ასოციაციის მენეჯმენტის სამუშაო შეხვედრა, რომლის მთავარი მიზანი მომავალი წლის სტრატეგიული მიმართულებებისა და განვითარების პრიორიტეტების განსაზღვრა იყო. შეხვედრაში მონაწილე კომიტეტების ხელმძღვანელებმა საკუთარი მიმართულებით დაგეგმილი ინიციატივები და აქტივობები წარმოადგინეს, რაც 2026 წელს ასოციაციის განვითარების ახალ გეგმას შექმნის. შპს ინტერბიზნესის აკადემიიდან შეხვედრას ესწრებოდნენ სასწავლო პროცესის მართვის სამსახურის უფროსი ლიკა ბინიაშვილი და სპეციალისტი თამარი სანიშვილი.

სსიპ ლევან საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის და ა(ა)იპ საქართველოს ჯანმრთელობის ფედარაციის მხარდაჭერით, 28 ნოემბერს აკადემიაში ჩატარდა სემინარი „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“. სემინარის მიზანს წარმოადგენდა აივ/შიდსისა და ტუბერკულოზის შესახებ ფართომაშსტაბიანი საინფორმაციოს საგანმანათლებლო კომპანიის წარმოება. სემინარი ინტერაქტიურ ფორმატში წარიმართა და სტუდენტებში დიდი ინტერესი გამოიწვია.

სასტუმრო "ჰოლიდე ინ"-ში ჩატარდა პროფესიული განათლების მასწავლებელთა თვითშეფასების სისტემის პილოტირების შედეგების პრეზენტაცია, სადაც პილოტირებაში მონაწილეკოლეჯებმა გააზიარეს და წარმოადგინეს საკუთარი გამოცდილება, გამოვლენილი მიგნებები და ის პრაქტიკული დასკვნები, რომლებიც საჭიროა 2026 წლიდან ახალი რეგულაციების ეფექტური დანერგვისთვის. პილოტირებაში მონაწილე კოლეჯებმა, ასოციაციის წევრებმა, ერთობლივად განიხილეს, როგორ უნდა გაგრძელდეს სისტემის გაძლიერება და მასწავლებელთა პროფესიული განვითარების ხელშეწყობა. შპს ინტერბიზნესის აკადემიიდან პრეზენტაცია წარმოადგინა ლიკა ბინიაშვილმს, სასწავლო პროცესის მართვიდ სამსახურის უფროსმა.