Front-End დეველოპმენტი ინფორმაციის ტექნოლოგია საფინანსო სერვისები

განათლების ხარისხის განვითარების ეროვნული ცენტრის დაარსებიდან 15 წლის იუბილესთან და საქართველოს ბოლონიის პროცესთან მიერთების 20 წლისთავთან დაკავშირებით, ცენტრის ორდღიანი საერთაშორისო კონფერენცია გაიმართა. კონფერენციაზე ასევე განიხილეს ზოგადი განათლების ხარისხის უზრუნველყოფის სისტემის განვითარების კუთხით არსებული მიღწევები და გამოწვევები. კონფერენციას ესწრებოდა შპს ინტერბიზნესის აკადემიის დირექტორი, ინგა მანაშერიძე.

23 სექტემბერს, აკადემიის სასწავლო პროცესის მართვის სამსახურის უფროსი ლიანა ბინიაშვილი და სპეციალისტი თამარ ბიჩინაშვილი გაეროს ქალთა ორგანიზაციის ოფისში   ესწრებოდნენ Turning Point-ის დამფუძნებლის, თამარ ყაჭაშვილის ტრენინგს სახელწოდებით „სტრატეგიული მართვა“, რომელიც მიეძღვნა თემებს: სტრატეგიული მოქნილობა სწრაფად ცვლად გარემოში, მენეჯერული აზროვნების ტრანსფორმაცია - ფორმიდან შინაარსამდე, სტრატეგიული აზროვნების განვითარება ორგანიზაციებში, ორგანიზაციული კულტურა, როგორც სტრატეგიული უპირატესობა, მომავლის უნარები და ახალი თაობების მართვა.