უნარების  კვირეული, რომლის მიზანს  პროფესიული განათლების კუთხით არსებულ საუკეთესო საერთაშორისო პრაქტიკის გაზიარება და ქვეყნის ეკონომიკური და სოციალური გამოწვევების საპასუხოდ უნარების განვითარების სისტემის მნიშვნელობის წარმოჩენა  წარმოადგენდა, დასრულდა. უნარების კვირეულის ფარგლებში დაგეგმილ ღონისძიებებს მთელი კვირის მანძილზე ათასზე მეტი მონაწილე დაესწრო. მათ შორის, საერთაშორისო და ადგილობრივი ექსპერტები, სახელმწიფო უწყებების, საერთაშორისო ორგანიზაციების, სამოქალაქო სექტორის, პროფესიული საგანმანათლებლო დაწესებულებების,  ბიზნეს ორგანიზაციებისა და სექტორული გაერთიანებების წარმომადგენლები, სხვა დაინტერესებული პირები. ღონისძიებას ესწრებოდა  ინტერბიზნესის  აკადემიის დირექტორი, ინგა მანაშერიძე.