|
 |
ბიბლიოთეკა |
ბიბლიოთეკა პირველ რიგში, განკუთვნილია ინტერბიზნესის აკადემიის სტუდენტთა, პროფესორ-მასწავლებელთა და თანამშრომელთა მოხმარებისთვის. წიგნის აღების საშუალება მომხმარებელს ენიჭება წიგნის აღრიცხვისა და შტრიხ-კოდის მინიჭების შემდეგ.
ბიბლიოთეკაში გაწევრიანება
ბიბლიოთეკით სარგებლობა ხდება ბიბლიოთეკაში გაწევრიანების შემდეგ გაწევრიანება ხდება სტუდენტობის პერიოდში ერთხელ. სტუდენტი, რომელიც ერთხელ გაწევრიანდება, რჩება ბიბლიოთეკის წევრად სწავლის დასრულებამდე. ბიბლიოთეკაში შევლისა და წიგნის გამოყენების წინ სტუდენტი ვალდებულია, წარმოადგინოს სტუდბილეთი, რაც ავტომატურად გულისხობს ბიბლიოთეკის წევრობას.
ბიბლიოთეკაში ქცევის წესები
სტუდენტებისადმი თხოვნაა, ბიბლიოთეკის სათანადო მუშაობისთვის და აკადემიის კეთილდღეობისთვის გაითვალისწინოს შემდეგი:
1. წიგნის გამოყენების შემდეგ არ დადოს ის ნებისმიერ თაროზე, არამედ მიუბრუნოს ის ბიბლიოთეკარს; წიგნს აქვს სპეციალური ნომერი და ბიბლიოთეკის თანამშრომელი თვითონ დააბრუნებს მას ადგილზე.
2. სტუდენტებს არ აქვთ უფლება, ისადილონ ბიბლიოთეკაში. ნებადართულია მხოლოდ ბოთლში ჩამოსხმული წყლის ან სასმელის თან ქონა.
3. ბიბლიოთეკაში მოწევა სასტიკად აკრძალულია.
4. იკრძალება ხმაური და საუბარი.
5. სამკითხველო დარბაზში იკრძალება მობილური ტელეფონების გამოყენება.
აღნიშნული წესებისადმი რამდენჯერმე დაუმორჩილებლობას მოჰყვება ბიბლიოთეკის წევრობის გაუქმება და ჯარიმა 10 ლარის ოდენობით.
ბიბლიოთეკაში დაუშვებელია:
- წიგნის ან სასწავლო მასალების ქურდობა, დაზიანება, დაფხაჭნა, ფურცლების ამოგლეჯა. ბრალეულობის დადგენისას მხედველობაში არ მიიღება დაზიანებული მასალის ფულადი ღირებულება და დამზიანებელმა ან დაუკითხავად წიგნის წამღებმა უნდა გადაიხადოს ჯარიმა 200 ლარის ოდენობით.
- წიგნის ან სასწავლო მასალების ქურდობასა თუ დაზიანებაში ხელმეორედ შემჩნეული პიროვნება გაირიცხება ინსტიტუტიდან. ინსტიტუტი არ უბრუნებს გარიცხულ სტუდენტს სწავლის საფასურს.
- წიგნის არასწორად დადება მისი დამალვის ანუ სხვა სტუდენტისთვის წიგნის გამოყენების ხელისშეშლის მიზნით.
ინფორმაციული ცენტრი და ინტერნეტით სარგებლობა
სტუდენტებისთვის ინტერნეტით სარგებლობა უფასოა. ინფორმაციულ ცენტრში სტუდენტის გაწევრიანება ხდება პირველი კურსის დასაწყისში. სტუდენტს მიეცემა სტუდბილეთი, რაც ნიშნავს იმას, რომ ის არის ინფორმაციული ცენტრისა და ბიბლიოთეკის წევრი.
ინფორმაციულ ცენტრში იკრძალება:
- ხმაური და ხელის შეშლა;
- მობილური ტელეფონების გამოყენება;
- ჭიქებით ან ბოთლებით სასმელის (წვენი, ჩაი) შეტანა.
|
|
|
|
|
